طريقة عمل الملوخية و رز على الطريقة السورية

 

المكونات :

ملوخية ناشفه 350 غرام 
دجاجة 
ليمون 4 حبات 
توم راس
البهارات :
كزبرة 
ملح 
فلفل احمر 
مكعبين ماجي 
ملح ليمون 
الرز :
4 كاسات 
نص كوب شعيريه 
مكعب ماجي 
ملح 
زبدة

الطريقة :

منسلق الفروجه بمية تغطيها منحط عليها عود قرفه و ورق غار و ملعقة ملح كبيره و بس تسلق منفتفتها الملوخيه منكون ناقعينها بمية دافيه مع ملعقة كربونات صغيره مشان يكشف الون و يروح اللزوجيه تبعاه و منغسلهم منيح بطنجره منحط توم مدقوق نص الراس مع زيت او سمنه الي بدكم ياه مع كزبرة و بس يصير لونو دهبي منحط فوقهم الملوخيه بكون منشفينها منيح من المي و منضل منقلب ليصير العروق دهبي بعدها منصب المرقه تبع الفروج ليغطيه و منتركو شي ربع ساعه وتكون النار هاديه بعدها منحط الملح و الفلفل و الكزبرة و مكعبين ماجي و منتركهم يسلقو قبل ما ننزلو من النار ب 10 دقايق بكون عاصرين ال 4 حبات اليمون منحطهم مع التوم الباقي ونص كمية الفروج الملسوق ويستوو 10 دقايق 
الرز منكون ناقعين الرز بميه اذا مستعجله ميه سخنه منحط الشعيريه بطنجره مع زيت منقليهم منحط عليهم الرز منقلب شوي و منسكب عليهم مرقة الجاج الباقي ليتغطى الرز و منحط الملح و الماجي و منوطي الغاز تحت لينشف المي بدون تحريك وبس نطفي منحط ملعقتين زبده و باقي الفروج منحط ع الرز و صحه و هنا .